تراخيص

تراخيص (http://www.trakhes.com/tra/index.php)
-   اشعار جمال جابر فجر مصر (http://www.trakhes.com/tra/forumdisplay.php?f=62)
-   -   انا المصرى الحزين تعبت من الخضوع (http://www.trakhes.com/tra/showthread.php?t=62688)

fagrmasr01 04-23-2012 09:59 AM

انا المصرى الحزين تعبت من الخضوع
 
http://89.img.v4.skyrock.net/89c/tal...5_6yfnRWsa.jpg

انا المصرى الحزين تعبت من الخضوع
زهقت من صحبتى ويا المرض والجوع
كرهت انا الأحزاب اللى شعارها الخنوع
مخنوق من الشعارات ومن علم مرفوع

علم بيقول انه شايل ف ايده الخير لمصر
وعلم تانى بيرفع على جثتى رايات النصر
راية خضرة أو سودة .. او الرايات الصُفر
اللى رصيدهم ألوف ورصيدى بلادى صفر

وزهقت من اللى بيهتف
فوق قلبى ودمى بينزف
وعلى دم ولادى بيحلف
ومع ألف يمين وبيخلف

وزهقت من الكذاب .. بيقول لنا يا أحباب
لازم ننتخبه زعيم على دمى يفوت للباب
جاهل مابيعرف يقرا .. ومألِف ألف كتاب
يحلف منا ولينا وينادينا الأهل والأصحاب

معانا .. فجر وعصر
شعاره طظ ف مصر
هدفه يوصل للقصر
وأهم حاجة النصر

والتانى ليبرالى صميم
او علمانى وفكره لئيم
أهدافه الصحة وتعليم
ونموت ويحيا الزعيم

حرام عليكوا كفاية .. وصلنا للنهاية
زهقنا من الشعارات وكشفنا الحكاية
ياطامعين بالحكم .. شرع الله البداية
نخضع لحكم الله ونعود الى الهداية

بصوا لحال الشعب .. شوفوا رغيف العيش
الوضع اصبح صعب .. نفسى ياخلق أعيش
عمرى اصبح مرار .. وانا كل حاجة مفيش
مرض وفقر وجهاله .. وزهقنا م التهميش

يامثقفين .. الجوع واكل بطون الناس
ياشبعانين ارحمونا اتعلموا الاحساس
انا باموت يا مصر مع ان انا الأساس
كل طلبنا نعيش .. مش طالبين الكاس

زهقنا م المظاهرة .. زهقنا م الهتاف
ومن كل واحد فيكم نشيله ع الأكتاف
الشعب بطل ينافق وبطل كمان يخاف
مصرنا تستاهل الخير وأهلها أشراف

ام سليمان 04-23-2012 10:29 AM

رد: انا المصرى الحزين تعبت من الخضوع
 
مشكور اخوي
الله يبارك لنا في عمرك
وننتظر منك المزيد

سالى سما 04-23-2012 11:10 AM

رد: انا المصرى الحزين تعبت من الخضوع
 
مشكور يافجر ومبدع
رائعة واحييك علىالابداع

fagrmasr01 04-23-2012 12:44 PM

رد: انا المصرى الحزين تعبت من الخضوع
 
يارب يبارك لك اختى ام سليمان
نورتى الموضوع وشرفتينى بمرورك الكريم

fagrmasr01 04-23-2012 12:45 PM

رد: انا المصرى الحزين تعبت من الخضوع
 
يارب يبارك لك ياسالى
أشكرك على التقدير
والمرور الكريم

ابراهيم سالم 04-23-2012 05:24 PM

رد: انا المصرى الحزين تعبت من الخضوع
 
القصيدة مليئة بالمرارة والرضا على مضض بالامر الواقع.

ربنا يديك الصحة ويزيدك من العطاء يامصرى يااصيل ياستاذ جمال

fagrmasr01 04-23-2012 05:33 PM

رد: انا المصرى الحزين تعبت من الخضوع
 
يارب يكرمك ويبارك لك يا استاذ ابراهيم
الف شكر على تكريمك لما اكتب بمرورك الكريم والف شكر على مجاملتك الكريمة .. جزاكم الله عنى خير الجزاء
أسعدتنى يا أستاذنا الكريم بمرورك
أسعد الله قلبك وكل أيامك بكل الخير
اللهم آمين

نهى احمد سالم 04-23-2012 07:05 PM

رد: انا المصرى الحزين تعبت من الخضوع
 
..اخى المحترم دوما...استاذنا كلنا ..الاستاذ جمال ... لم تقول انك شاعر عجوز..انت شاعر جميل ..وانسان حساس...كلمات رائعه..واحساس راقى ...كم انا نادمه على عدم دخولى هذا القسم منذ فتره....كم انا خاسره..لعدم قراءتى مدى رفاهيه الشعور ..والرضاء بالواقع ...انت انسان رائع وكلماتك اروع.تجعل الانسان يحتار فى امر نفسه ....اشكرك ..اشكرك....وادعو ربى لك بالصحه وطول العمر ...ودائما فى عطاء لتمتعنا باحساسك الطيب .............رعاك الله دائما ..........نهى سالم

مُحبة زوجها 04-23-2012 08:18 PM

رد: انا المصرى الحزين تعبت من الخضوع
 
ألم وحزن وفقدان للأمل

كنت أقرأ وأحزن ورأيت ياأبى أنك وطن ينادى وطن

تنادى مصير وحلم ينتظره الجميع من ابناء مصر

ما رتلته من معاني تُبكى أرواحنا

وتسقط دموعنا على مصاب هذا الوطن الغالى

يجعلنى أشكرك بعمق السماء

على روعة المشاعر وطيبة القلب التى أعهدها فيك دوماً

دام قلمك وقلبك ينبض فى حب هذا الوطن

تحياتى لعطاءك الذى لا يتوقف

http://rafat0004.net/vb/uploadcenter...1302919140.jpg

محمد كمال المحامي 04-23-2012 08:28 PM

رد: انا المصرى الحزين تعبت من الخضوع
 
و الله يا حاج جمال احنا

زهقنننننننننننننننننننننننننننننننننا

كلماتك بتوصل مباشرة للقلوب

واحساس من انسان بيجب بلده وخايف عليها

ربنا يديك الصحة وطول العمر وتشوف الخير في البلد

و ما زال عشمنا في ربنا بلا حدود

البلد فيها ناس كتير طيبين زيك يا استاذ جمال

وان شاء الله ربك لن يخذلنا

مع خالص تحياتي على هذه القصيدة الرائعة




الساعة الآن 12:38 PM

Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir

جميع الأراء والمواضيع المنشورة تعبر عن رأي صاحبها ، وليس بالضرورة أن تعبر عن رأي إدارة المنتدى

الموقع غير مسئول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه تجاه ما يقوم به من بيع أو شراء أو إتفاق

استضافة وتصميم : المصرية للأنظمة الرقمية والخدمات المتكاملة