تراخيص

تراخيص (http://www.trakhes.com/tra/index.php)
-   اشعار جمال جابر فجر مصر (http://www.trakhes.com/tra/forumdisplay.php?f=62)
-   -   بنت الشهيد (http://www.trakhes.com/tra/showthread.php?t=684)

fagrmasr01 11-12-2009 10:35 PM

بنت الشهيد
 






اهلا مرحب ، ياهلال العيد
ياللى فى كل الدنيا سعيد
الا فى بيتنا .. وبابانا بعيد
واحنا حزانى ..أبونا شهيد


من غير كحكة ولا لبس جديد
عمى اعتقلوه .. واخويا وحيد
و أمى بتبكى .. ياأهل التوحيد
عيدكم فرحة.. والإيد فى الإيد


وأنا أحزانى وسط اخوانى
.. تحت التهديد
جوع يقتلنا عدو محاصرنا
.. والفقر شديد
يدخل بيتنا يسرق قوتنا .. ويقتل المواليد
يهتك عرضى يسرق ارضى .. والكل بعيد


أبكى بدمى ..أحضن أمى ..ودموعى تزيد
انعى همومى وسواد يومى..حزن وتنهيد
وانتوا ف بيتكوا ويا الفرحة ..وأخويا طريد
يازعماء العالم كله تحية و.. أهلاً بالعيد



اكتبها باحساس بنت الشهيد التى تركناها تعيش تحت الحصار ولا نملك لها الا الدعاء
و
أهلاً بالعيد

محمد كمال المحامي 12-10-2009 10:55 PM

أبكى بدمى وأحضن أمى ودموعى تزيد
انعى همومى وسواد يومى حزن وتنهيد

وانتوا ف بيتكوا ويا الفرحة وأخويا طريد

يازعماء العالم كله تحية و.. أهلاً بالعيد

احنا كلنا والعالم كله نسي الناس دي يا أستاذ جمال
محتاجين الناس الحساسة امثالك تفكرنا بيهم
وتحسسنا بالامهم واحزانهم
ربنا يفرج كروبهم ويفك اسرهم
كلمات معبره عن الموقف فعلاً
وربنا ينصرهم على عدوهم وعدونا
وجزاك الله خير

خلود 12-11-2009 12:15 AM

اكتبها باحساس بنت الشهيد التى تركناها تعيش تحت الحصار ولا نملك لها الا الدعاء
ربنا يجازيك خير ياجمال على تذكيرنا بهؤولاء الشخصيات فى مجتمعنا

fagrmasr01 12-11-2009 02:06 AM

استاذ محمد كمال .. اشكرك جزيل الشكر واتمنى معك ان نتذكرهم
خلود .. اشكرك زيل الشكر .. واتمنى ان احنا مننساش ...
وعلى فكرة ..
لو احنا افتكرناهم وعملنا حاجة علشانهم .. احنا الكسبانين والله
ولو استمرينا ننساهم او نتناساهم ,, فانهم لهم رب رحيم كريم أبداً لن ينساهم ...

fagrmasr01 01-02-2010 01:52 AM

أتمنى نعمل لهم اى شئ ....
ياريت رجال الاعمال يفتكروهم
ولو بجزء من زكاة المال او الصدقات
.. وعلى الأقل ..
لاتنسوهم بالدعاء

مشكلتنا اننا فى غمرة مشاغلنا بننساهم
كل واحد عايش مشاكله الشخصية
... أمواله ونجاح أعماله وحبه وهنا قلبه ..
وناسيين ان
ليس منا من لم يهتم بأمر المسلمين

لكى الله يا بنت الشهيد

حبيب الروح 01-02-2010 09:27 PM

تستحق كل تحية وتقدير على شعرك وعلى تذكيرك للمجتمع الذى فعلا اصبح أغلب اهتماماته مباراة كرة او مسلسل فى شهر رمضان ... نسينا ما أوجبه الله علينا من نصرة دينه ونصرة أهلنا

ذلك المجتمع الاسلامى الذى لا يعرف معنى الحكمة القائلة
أكلت يوم أكل الثور الابيض
تسلم كلماتك وقلمك فجر مصر

حبيب الروح 01-02-2010 09:29 PM

وأنا أحزانى وسط اخوانى تحت التهديد
جوع يقتلنا ، عدو محاصرنا والفقر شديد
يدخل بيتنا ، يسرق قوتنا ويقتل له وليد
يهتك عرضى ويسرق ارضى والكل بعيد


أبكى بدمى وأحضن أمى ودموعى تزيد
انعى همومى وسواد يومى حزن وتنهيد
وانتوا ف بيتكوا ويا الفرحة وأخويا طريد
يازعماء العالم كله تحية و.. أهلاً بالعيد



رائعة واحساس عنيف متفاعل بضمير اسلامى

fagrmasr01 01-03-2010 07:45 PM

ربنا يجازيك عنى كل خير يا اخى الحبيب يا حبيب الروح
ردك جميل وحتى اسمك جميل
وعلى فكرة
اشعارك كمان جميلة جدا
سعيد جدا بتواجدك فى منتدانا الجميل
وسعيد بتواجدك فى صفحتى
واتمنى منك المزيد والمزيد
وان تمتعنا بكلماتك ونبضاتك الساحرة

محمد كمال المحامي 01-03-2010 08:53 PM

استاذ جمال
وردة
حبيب الروح
ما شاء الله مجموعة شعراء منورة المنتدى
شكلنا بعد كده هنغير اسم المنتدى من تراخيص الى شعراء
وده يشرفنا طبعاً
وشكراً لكم جميعاً ومنتظرين ابداعاتكم

fagrmasr01 01-03-2010 09:29 PM

اشكرك جزيل الشكر يا استاذ على اهتمامك بتشجيعنا
واتمنى اكون مستحق لتشجيعك


الساعة الآن 07:11 AM

Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir

جميع الأراء والمواضيع المنشورة تعبر عن رأي صاحبها ، وليس بالضرورة أن تعبر عن رأي إدارة المنتدى

الموقع غير مسئول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه تجاه ما يقوم به من بيع أو شراء أو إتفاق

استضافة وتصميم : المصرية للأنظمة الرقمية والخدمات المتكاملة