تراخيص

تراخيص (http://www.trakhes.com/tra/index.php)
-   قسم الشعر العام (http://www.trakhes.com/tra/forumdisplay.php?f=30)
-   -   أعمل ايه لما الاقيك حد تاني (http://www.trakhes.com/tra/showthread.php?t=76396)

جابر عبدالحميد 08-23-2013 12:52 AM

أعمل ايه لما الاقيك حد تاني
 
اللى زيى روحها فيك تعمل ايه..

اللى بتشوف من عينيك تعمل ايه..

اللى عايشه حياتها ليك تعمل ايه..

اللى باعت كل غالى..

واللى سهرانه الليالى..

تعمل ايه لما تلاقيك حد تانى..

طب حلها لى


مهما اقولك مش ح تعرف انه صعب..

مش ح تعرف الا لو قلبك يحب..

طب تصدق..

ياما قلت خلاص ح اسيبك..

واما ببدأ..

وافتكر لو مش حبيبك..

احس فى لسانى مرار..

والاقى جوايا انهيار..

بجد ده اصعب قرار..

انى ابيعك بأختيارى..

اللى عاشقاك زى حالى..

تعمل ايه لما تلاقيك حد تانى..

طب حلها لى


هوه شىء ساهل عليا..

انى اشوفك وبعينيا..

وسط كل الناس دهيه..
واقدر اتحمل واقاوم..


مستحيل فى ناس قلوبها..

ترضى تتحمل عذابها..

اى واحده تسيب حبيبها..

اللى يرضى ..يبقى ظالم..

واعمل ليه وانا مش بأيدى..

انى حبيتك ياسيدى..

اوعى تسأل ايه جرالى..

اللى داقت مره نارى..

تعمل ايه لما تلاقيك حد تانى..

طب حلها لى


الساعة الآن 09:29 AM

Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir

جميع الأراء والمواضيع المنشورة تعبر عن رأي صاحبها ، وليس بالضرورة أن تعبر عن رأي إدارة المنتدى

الموقع غير مسئول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه تجاه ما يقوم به من بيع أو شراء أو إتفاق

استضافة وتصميم : المصرية للأنظمة الرقمية والخدمات المتكاملة