[fagrmasr01]

بسم الله الرحمن الرحيم
الحمد لله رب العالمين
والصلاة والسلام على أشرف المرسلين
سيدى وحبيبى محمد بن عبد الله
رسول الله وخاتم الأنبياء والمرسلين
وعلى آله وأصحابه والتابعين
وتابعيهم بإحسان الى يوم الدين
اللهم آمين

احبابى فى الله
اول كتابة ليومياتى

اسمى جمال
عمرى 56 سنة
متجوز وعندى 3 أولاد وبنتين
وحفيد .. اسمه يوسف

متخصص فى تنمية الموارد البشرية
وصاحب مكتبة صغيرة ومركز كمبيوتر للوثائق فقط
يعنى مش سايبر

هوايتى محاولة كتابة الشعر .. مجرد هواية ومحاولات

وباذن الله اتمنى النهاردة ان مباراة مصر والجزائر تعدى على خير ويفوز المنتخب المصرى بفارق 3 أهداف باذن الله ونوصل الى تصفيات كأس العالم التى ستتم باذن الله فى جنوب افريقيا 2010

اجمل امنياتى لكم جميعا
ربنا عز وجل يبارك لكم ويرعاكم
ويسعد قلوبكم
اللهم آمين

[محمد كمال المحامي]

منتظرين يومياتك يا استاذ جمال
وان شاء الله تكون يوميات جميله
طالما انها من حضرتك وان شاء الله تكون دايماً في صحة وسعادة وراحة بال
وان شاء الله النصر لمصر

[fagrmasr01]

أستاذنا الغالى .
اشكرك جزيل الشكر .. ربنا يبارك لك ويكرمك .. آمين

معلش .. ماوصلناش كاس العالم
وحصلت المهازل اللى كلنا شفناها
واتمنى من ربنا عز وجل ان تنتهىة توابعها على خير
لانها سببت جرح كبير فى قلوبنا وعقولنا كلنا


كل سنة وانتوا جميعا طيبين
النهاردة اول ايام عيد الاضحى المبارك

الحمد لله صليت العيد .. وذبحت الهدى .. وزرت بيت العيلة ... ووصلتى رسائل كتير جميلة من اهلى واصحابى فى مصر وفى السعودية ومن بلاد تانية كتير
الرسائل واتصالات التهانى تقريبا شغالة من امبارح بطريقة جميلة .. بتخللينى احس ان العالم كله موجود حواليا ومعايا
ربنا يسعد قلوبكوا جميعا
وكل عام وانتوا جميعا بخير وسلام
باذن الله السنة اللى جاية نكون كلنا من حجاج بيت الله الحرام
وباذن الله كل ايامكم فرحة وسعادة وهنا وسرور
كل سنة وانتم طيبين ومن ربنا قريبين
اللهم آمين

[fagrmasr01]

من اخبارى الفترة الماضية ...
خلاف بسيط مع عضو فى اكتوبر .. مش خلاف لكنه سوء تفاهم بسيط .. وعدى الحمد لله على خير

ربنا يخليكم ويبارك لكم ويكرمكم ويسعد قلوبكم

كل سنة وانتم جميعا طيبين

[محمد كمال المحامي]

مجهود كبير منك يا أستاذ جمال وتواضع بلا حدود وقلب كبير وقلم رومانسي ورقيق
صفات ممتازه ما شاء الله ، عندك حق في ان وجوك مع اميرة وخلود بيخلي المنتدى بيت عائلة
انا كنت مسافر يوم الوقفه ويوم العيد النهاردة يعني ولكن انا ما قدرتش اكمل الأجازة في البلد لأني حسيت أنكم وحشتوني وحسيت ان من واجبي ارجع بسرعة علشان اسلم عليكم واشوفكم واعيد عليكم لأنكم أصبحتم جزء مني والكلام ده بصراحه ، لدرجة اني بقيت افتح المنتدى لو ما لاقتيش حد منكم بحس بالوحده وافضل منتظر دخولكم للمنتدى .
حمداً لله على عودة أميرة لمنتدى أكتوبر
واهلاً بيك وبخلود و أميرة اعضاء جدد في حياتنا كلها وليس فقط منتدى تراخيص
ودي مشاعري الحقيقية نحوكم بدون مجامله او نفاق
وكل سنة وجميعكم في احسن حال وصحة وسعادة

[fagrmasr01]

حمدا لله على رجوعك بالسلامة يا أستاذنا الغالى
ربنا يخليك ويبارك لك

بصراحة انا اللى حسيت انى هنا فعلا فى منتداك كأنى فعلا قاعد ف بيتى
بصراحة أشكرك على تأسيس المنتدى الجميل دا
واشكرك على اختيارك للاعضاء اللى فعلا كلهم زى العسل

ويارب يكون منتدانا من احسن المنتديات العربية قريبا باذن الله بتقدم فى مقدمة كل المنتديات

مرورك وتعليقك بصراحة خلونى احس بسعادة
ربنا عز وجل يبارك لك ويكرمك
كل سنة وانت طيب ياراجل يا طيب
جمال - فجر مصر

[fagrmasr01]

رابع ايام العيد
كل سنة وانتم طيبين

معلش شوية انفلونزا خلونى مقصر غصب عنى
ربنا يستر ومتكونش انفلونزا الخنازير
هههههههههه
اخدت مضادات حيوية جامدة .. وربنا عز وجل هو الشافى

[محمد كمال المحامي]

الف الف سلامه عليك يا أستاذ جمال
اللهم رب الناس اذهب البأس عن اخونا جمال و اشفه انت الشافي لا شفاء الا شفاؤك شفاءاً لا يغادر سقما
ربنا يشفيك ويعافيك ويبارك فيك ويقويك وتقوم بالسلامة ان شاء الله

[fagrmasr01]

الحمد لله رب العالمين فى كل وقت وعلى كل حال
امر حاليا بوعكة صحية بسيطة
والحمد لله رب العالمين
سامحونى على التقصير

[اميرة]

ان شاء الله تقوم بالسلامة
وترجع تنورنا تانى
الف سلامة على حضرتك