[جابر عبدالحميد]

ياريتنى زيك .. اسهل حاجه بتتغير..
ياريتنى زيك.. اعرف اوجع وأحير..
قلبك ف ايدك تنصحه..ويسمع كلامك..
مش زى قلبى اللى اتملا شوق من غرامك..
شاطر بتعرف تبقى اقوى من اى ظروف..
مش زى قلبى اللى القسوه هدته و الخوف..
وكل يوم اتحملك بكلام جديد..
مكتوب عليا استحملك واكون حديد..
ياريتنى زيك عقلى يسمع قبل قلبى..
كنت اكتفيت بالعقل واستخصرت حبى..
مش ح ابقى زيك ياخساره..
ح افضل ضعيفه ومنهاره..
اجيب منين اعصاب..
دايما بعيش ف عذاب..
لما اللى احبه يقول..خلينا بس صحاب..
ياريتنى زيك بعرف ادوس..
وقلبى جامد ميهموش..
لكن ضعيفه قصاد قلبك..
هجروا وعذابوا مجربتوش..
وبتعرف انت تدوبنى..
وبتعرف امتى تموتنى..
عندك مشاعر بتطاوعك..
ولما بشكى تسكتنى..
ودفة الحب بايدك..
مش دم ساكن ف وريدك..
احنا اللى بس بنبقى ضعاف..
من اى حاجه عليك بنخاف..
تحكم وتؤمر ف عبيدك..
ياريتنى زيك

شعر رائع . لقد اعجبنى كثيرا يا جابر. موفق باذن الله.