[fagrmasr01]

فرحة مصر امبارح

بمناسبة

تأسيس التيار الشعبى

الجمعة 21سبتمبر2012

من ميدان عابدين

فرحة مصر امبارح ضحكة صافية من غير شجن

عروسة وحواليها أحبابها فرحتها وبتتحدى الزمن

بتأسيس التيار الشعبى بميدان عابدين رغم المحن

ابتسامة ف جبين الشهيد والمصاب واللى اتسجن


وضحكة بتقول ان مصر ولادة ومش هاتموت

مهما يفوت الزمان انا عرابى .. و حتشبسوت

مهما يحاولوا يخرسونا .. او يرهبونا بالنبوت

فى ميدان عابدين هتفنا وغنينا وكسرنا التابوت


انتهى يامصر امبارح زمن السكوت .. ومصر ملك الجميع

هاترجع الصرخة تكسر جبال الصمت وثورتنا مش هاتضيع

والدم ياشهيدنا مع الم المصاب هانلملمه .. نصنع منه الربيع

وهانزرع جناين الأمل .. رغم التخوين والتخويف والتجويع

[سماره]

وهانزرع جناين الأمل .. رغم التخوين والتخويف والتجويع

[ابراهيم سالم]

ربنا يديك الصحة يااستاذ جمال

فعلا فرحتنا ان يكون دايما فيه تيارات قوية متنوعة

اكيد ده حيحافظ على التوازن ويمنع تيار فى الحكم بالاستهتار بباقى المجتمع. موش ناقصين هم

[سماره]

اه والله مش ناقصين هم بقى
ياريت نلاقي حاجه كده من الشعب وللشعب
ربنا يقويك يا غالي
ويكرمك ويجعلك سبب في فرحة المصرين كلهم

[fagrmasr01]

ربنا يبارك لك ويكرمك يا غالية
الف شكر على تشجيعك اللى دايما جميل
ودايما يارب منورانى
على فكرة انا فرحت مرتين مرة لمرورك الى دايما بيسعدنى ويشجعنى .. وفرحت كمان ان الفكرة عجبتك
ربنا ميحرمنيش ابدا منك
ولا من من تشجيعك

[fagrmasr01]

يارب يبارك لك يا أستاذ ابراهيم ويكرمك ويجازيك عنى كل خير ويوفقك ويسعدك وميحرمنيش ابدا من رأيك الاخوة معك فى الله عز وجل ولا من رأيك السديد اللى دايما بيسعدنى
ربنا يخليك ويبارك لك

[احمد حمادة]

جزاك الله كل خير

[fagrmasr01]

ربنا يجازيك عنى خير