|
|
الأب الروحي للمنتدى - لا تنسوا الدعاء له بالرحمه انتقلت روحه الى الرفيق الأعلى يوم 24/2/2013
|
|
|
|
|
|
|
الدولة : فى عقل ووجدان محبوبتى
|
|
|
|
|
|
|
|
|
|
المنتدى :
اشعار جمال جابر فجر مصر
شهادة الوفاة .. قبل إعلان الميلاد
بتاريخ : 05-31-2012 الساعة : 10:09 AM
ضاعت يا بلدى خطوتك .. وسرقوا أغلى أحلام البلاد
ماتت بسرعة ثورتك .. بيغزلوا دلوقتى أثواب الحداد
ماحدش سامع صرختك ... وحتى الفرح أصبح سواد
نسيوا ان تدمير وحدتك شهادة وفاة قبل إعلان الميلاد
كل واحد أصبح زعيم وبيحلف بأغلظ الأيمان
انه الأمين المستقيم .. ورمز لوحدة الأوطان
ان البلد معاه هاترسى .. على شطوط الأمان
وحملات الإعلان بالملايين وانا عايش جعان
كلهم ياحبة عينى مش عايزين غير الخير ليكى يامصر
وكل واحد فيهم خطته .. هى اللى فيها وبس .. النصر
وكل زعيم بيعلن ان اللى مش ها يختاره أكيد خسران
مع ان هدفهم واضح يا بلدى .. أملهم الوصول للقصر
ولا واحد فيهم رفض براءة اللى قاتلين الثوار
بيبيعوا فى دم الشهيد .. ويعلنوا انهم الأحرار
يدافعوا عنه بالشعارات وأحكام براءة بالقنطار
صمت تام ..وشبابنا بيعتقلهم العسكرى الجبار
ويوم يشتمونا عشان لازم الشرعية تكون فى البرلمان
ويوم تانى يصرخوا .. لابد يا مسلمين نتلم فى الميدان
ويوم يقولوا لنا لا بد نتوحد .. على أهدافهم احنا كمان
ويوم يقولوا لا لا لا .. الأغلبية وبس اصبحوا الفرسان
مرة يقولوا لنا لابد الأول يعملوا الدستور
ومرة يهددوا انهم.. راح يكشفوا المستور
وانا يا مصر بين المرض والغلا محصور
وتحت خط الفقر لابد أعيش وأنا مكسور
اصحى يامصر دى الخيبة بصحيح طالت
الصمت أصبح جريمة كل الحظوظ مالت
متخافيش من جبارين كل العروش زالت
بينتهى زمن الطاغية مهما الكدابين قالت
أقوى العروش مهددة
مفيش عروش مخلدة
الا عرش رب العباد قولوا الحق .. خافوا من ربنا
فى ايده سبحانه مصير الخلق .. هو وحده حسبنا
هو اللى خقلنا ضمن الرزق .. اتقوا الله فى شعبنا
متخضعيش تانى يا بلدى .. ها نصونك جوه قلبنا
حكمة كتبها التاريخ الطويل
قال عنك يا مصر هبة النيل
وقال المصرى جدع وأصيل
مش ممكن عن كرامته يميل
|
| توقيع fagrmasr01 |
أستغفر الله العظيم
|
|
|
|
|
العرض العادي
