العودة   تراخيص نبض الكلمات منتدى الشعر والنثر والقصة قسم الشعر العام

إضافة رد
   
أدوات الموضوع إبحث في الموضوع انواع عرض الموضوع

جابر عبدالحميد
عضو نشيط

رقم العضوية : 14425
الإنتساب : Aug 2013
المشاركات : 64
بمعدل : 0.03 يوميا

جابر عبدالحميد غير متواجد حالياً عرض البوم صور جابر عبدالحميد



  مشاركة رقم : 1  
المنتدى : قسم الشعر العام
افتراضي فجر قلبي أهو بيدن
قديم بتاريخ : 10-23-2013 الساعة : 01:42 AM

عارفة أغرب حاجة بيننا ..
إننا من غير سوابـق ..
وبدون دواعي ..
فــ لحظة تـُهنا ..

فاكرة ليلة ما احتفلنـا ..
والأمل لون خيالنـا ..
والنجوم ضحكت علينـا ..
لما كانت مرسومالنـا ..
والحيــاة خطفـت عينينـا ..
لمـا كانت مفتوحالنــا .. ؟
وسكة كانت بتشاغلنـا ، وتحايلـنا ، وتمايلـنا ..
أحلي سكة ..
معقولة قلبك كان ساعتها ..
جزء في دراما وحبكة .. ؟!

انتي ايــه .. ؟!
حتة حلوة من الحياة ؟ حتة حلوة ؟
ولا دنيــا .. ؟!
كل الوعود ، ويا العهود .. اللي عليها اتغزلنـا ..
كل الوفا .. وكل الدفا .. وكل الحنين ..
والورود ..
المرسومين ..
فوق طريق عمر وسنيــن ..
والدلال ، ويا الدلع ، ويا الـمُمانعة ..
كل دة كان جزء من أجزاء مؤامرة ..
كل دة تمثيل وصنعة .. ؟!ا

معقولة كنتي ..
كنتي دنيا ؟
نـُكتة تانية ؟!
لقطة جوا فيلم تافه .. ؟
شطر من أغنية فاشلة .. ؟
سطر جوا صحيفة صفرا .. ؟
ضيف علي توك شو سخيف .. ؟
تتر في مسلسل ضعيف .. ؟
زينة وسط حفلة ضايعة .. ؟
حركة جوا رقـصة مايـعة .. ؟
فصل في حكاية بخيلة ، صفحـة في رواية عليلة ..
ورقة .. في أسطورة فانية .. ؟!
كنتي دنيا .. ؟!!

وآدي قلبي .. ودي عجايبه ..
دي مبادئه ، ودي أصوله ، وآدي ربــُــه ..
دول مشايخه ..
ودية كُـتـُـبه ..
ودول حبايبه ..
قلبي هيلملم في ألمه ..
بكرة هيبطل يلون .. دنيا باهتة ..
باهتـة جداً ..
شيلي كراسته وقلمه ..
فجر قلبي أهو بيــدّن ..

فجر قلبي أهو بيــدّن ..


إضافة رد


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


الساعة الآن 05:25 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir

جميع الأراء والمواضيع المنشورة تعبر عن رأي صاحبها ، وليس بالضرورة أن تعبر عن رأي إدارة المنتدى

الموقع غير مسئول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه تجاه ما يقوم به من بيع أو شراء أو إتفاق

استضافة وتصميم : المصرية للأنظمة الرقمية والخدمات المتكاملة