[fagrmasr01]

لو حكيت يوم عن وداعى .. او عن غياب يمكن يطول

اوعى تظن أوافق عنك ابعد .. او عقلى عنك مشغول



انا جايز اسيبك ف طريقك

وانا كنت حبيبك و صديقك

وهأعيش افراحك تسعدنى

وأدعى لربى يفرج ضيقك



حبيتك بضميرى وقلبى .. وعشت معاك أجمل أيام

وسعادتك كانت على دربى وعشنا وحققنا الأحلام



كنت افرح إن شفت البسمة فى جبينك بتزيد النور

وأدعيلك ليلى مع نهارى يوهبلك فرحة مع سرور

وأتمنى لو أكون لك ضحكة واوهبلك بالعمر زهور

لكن انتى حددتى طريقك .. وتركتينى حزين مقهور



قادر ربى يسعد قلبك .. بحق أحزانى انا عليكى

وينور لك دايماً دربك .. وللخيرات ربنا يهديكى

وسعادتك تملا أيامك .. بالأفراح دايماً حواليكى

وتحققى أسعد أحلامك .. ياخد من سعدى ويديكى



مش راح اقول لك افتكرينى .. الذكرى بتوجع

ولا هاحكى جرحى وأنينى .. أو عينى هاتدمع

راح أغنى لحنك وحدانى .. ونجومى هاتسمع

واوهب لك أجمل ألحانى .. وشـموعى بتولع



وهاعيش وأتحول أغنية عن عشق الأحزان

والدنيا تغنى مواويلى .. عن الهجر بإحسان

ودموع المحروم توصفنى .... رمز الحرمان

[محمد كمال المحامي]

ايه الجمال ده يا عم جمال

كل دي تضحيات ... انت قلبك كبير بجد

كل كلمة لها معنى كبير من معاني التضحية

الله ينور عليك يا استاذ جمال

وربنا يزيدك من علمه وفضله

[fagrmasr01]

بارك الله فيك يا أستاذنا وجعلنا الله واياك ممن يحبون الخير بقلوبهم قولاً وعملاً .. ربنا عز وجل يكرمك ويجازيك عنى خير
اللهم آمين

[سماره]

لو قولت ومهما قولت

لايمكن اقول كلمه واحده توصف

كلماتك الجميله

هى حزينه بس جميله

فيها احساس راقي جميل

حب جميل ووداع صعب

ومشاعر فياضه مش قادر تداريها

كتبت و وابدعت

ما احلى كلماتك

رائع انت بكل المقاييس

دمت لنا يا اغلى الغاليين

[أم كلثوم]

اللى يحب ما عمره يكره ولا ينسى
ولكن ....ظروف الحياه اثقل من ان يتحملها بشر
كلمات رائعه
تسلم الايادى

[fagrmasr01]

اقتباس : المشاركة الأصلية كتبت بواسطة سماره [ مشاهدة المشاركة ]

لو قولت ومهما قولت لايمكن اقول كلمه واحده توصف كلماتك الجميله هى حزينه بس جميله فيها احساس راقي جميل حب جميل ووداع صعب ومشاعر فياضه مش قادر تداريها كتبت و وابدعت ما احلى كلماتك رائع انت بكل المقاييس دمت لنا يا اغلى الغاليين

يارب يخليكى يا سماره
ولا يحرمنى ابدا من مرورك اللى دايما بيضيف قيمة كبيرة اوى لصفحاتى ياغالية .. ربنا يسعد قلبك وينور لك كل ايامك بكل الخير والحب والطاعة

[fagrmasr01]

اقتباس : المشاركة الأصلية كتبت بواسطة لحظة حنان [ مشاهدة المشاركة ]

اللى يحب ما عمره يكره ولا ينسى ولكن ....ظروف الحياه اثقل من ان يتحملها بشر كلمات رائعه تسلم الايادى

معاكى حق طبعا يا لحظة حنان
لكنه الإحساس يأبى إلا أن يتحول الى أشعار تعبر عما يجيش بالصدور
الف شكر على دعمك الكريم لكلماتى
ربنا يبارك لك ويكرمك

[مُحبة زوجها]

أبى الرائع اشتقت لـنزف كلماتك التى رغم حزنها تسحرنى

هنا بقيت على شرفات ذاكرتك

أتخيل تلك الصوره لهذا الوداع بداخل هذا البرواز الحزين

معاني كثيره حملت أنت واحاسيس جمه

دمتْ قلمنا الراقي

لك منى احلى ورده

[fagrmasr01]

اقتباس : المشاركة الأصلية كتبت بواسطة مُحبة زوجها [ مشاهدة المشاركة ]

أبى الرائع اشتقت لـنزف كلماتك التى رغم حزنها تسحرنى هنا بقيت على شرفات ذاكرتك أتخيل تلك الصوره لهذا الوداع بداخل هذا البرواز الحزين معاني كثيره حملت أنت واحاسيس جمه دمتْ قلمنا الراقي لك منى احلى ورده

تزدهر صفحاتتى بمرورك يملؤها الضياء
تتيه على ما عداها يتواجدك قيمةً وبهاء
تزداد رونقاً وتختال كنجمات فى السماء
فلعبير عطر مرورك أتقدم لك ايمان ثناء
ياصاحبة القلم الذهبى المبدع فى الأداء
لا املك الا ان أدعو لكى ويستمر الدعاء

فمهما حاول قلمى الإشادة .. فلن تسعفنى كلمات التقدير للثناء على تكريمك لكلماتى بمرورك المضئ يا إيمان ..

ربنا يبارك لك ويكرمك
يارب ميحرمنيش أبدا من دعمك لما أكتب
ربنا يجازيكى عنى كل خير
اللهم آمين

[احمدعبدالعظيم]

اقتباس :

مش راح اقول لك افتكرينى .. الذكرى بتوجع ولا هاحكى جرحى وأنينى .. أو عينى هاتدمع راح أغنى لحنك وحدانى .. ونجومى هاتسمع واوهب لك أجمل ألحانى .. وشـموعى بتولع

كلماتك الرائعه والمتقنه
واحساسك العالى
يجعلنا لا نملك سوى
الاشاده باشعارك الجميله
ادام الله عليك نعمه الابداع