تراخيص

تراخيص (http://www.trakhes.com/tra/index.php)
-   مدينة 6 اكتوبر (http://www.trakhes.com/tra/forumdisplay.php?f=76)
-   -   مظاهرة اصحاب أراضى القرعة الثانية بـ 6 اكتوبر بجهاز المدينة (http://www.trakhes.com/tra/showthread.php?t=75313)

هشام كامل 05-22-2013 08:49 AM

مظاهرة اصحاب أراضى القرعة الثانية بـ 6 اكتوبر بجهاز المدينة
 
نحن اتحاد ملاك ارض شماليات القرعة الثانية بالسادس من اكتوبر وقد علمنا مؤخراً بأنه لا يوجد نية فى الوقت الحالى للتسليم وذلك بسبب
أولا: البنك قام بتأجيل موعد سداد القسط الثانى لمدة أكثر من سنة
ثانيا : جهاز مدينة السادس من أكتوبر قمنا بالذهاب له ولم يعطينا موعد نهائى للتسليم بل قال ليس لدية معلومات نهائية وأكيدة عن التسليم لذا قررنا الآتى عمل مظاهرة داخل جهاز مدينة السادس من أكتوبر وذلك للضغط على الجهاز لكى يقوم بتسليم الأراضى لأصحابها لذا لزم المشاركة لجميع ملاك الأراضى حتى نكون يد واحدة ونستطيع التأثير على جهاز المدينة وهذه أرقام تليفوناتى لمن يريد المشاركة الاسم رمضان محمد حتى يتم التنسيق لموعد المظاهرة 01116003130 01222992491

هشام كامل 05-22-2013 12:06 PM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
إين الردود يا جماعة إليس الموضوع هام ويستحق الرد والتواصل رجاء من الجميع سرعة التواصل لكى يتم حسم الموضوع والأتفاق فيما بيننا ماذا سوف نفعل مع جهاز المدينة فى مماطلتة لتسليم الأرض ............وشكرا

محمد كمال المحامي 05-22-2013 04:21 PM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
اقتراح ممتاز ونرجو من الجميع التعاون

لحث الجهاز على التسليم في اسرع وقت

ان شاء الله تلاقي تعاون يا استاذ هشام




ابو سرحان 05-22-2013 07:57 PM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
انا كلمت استاذ رمضان امبارح و معاه انشاء الله فى المظاهرة لازم يبقى فى تحرك على ارض الواقع ما اصل كل حاجه فى البلد اليومين دول بقت بالمنظر ده حت لو وصلت اننا نقطع طريق لازم يبقى فى استجابة لمطالبنا واظن مطلبنا ده مش مطلب فئوى احنا لا هناخد فلوس ولا عايزين زياده فى مرتب احنا عايزين حقنا اللى هما مش راضين يدهولنا من سنه فاتت ولازم تكون الارض كاملة المرافق

ياسر رجب امين 05-22-2013 09:32 PM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
الفكرة جيدة ، لكن علي ارض الواقع يوجد انجاز واضح من الجهاز بالمعاينة الفعلية فقد انجز الجهاز شبكات الصرف الصحي والمياة العمومية وكابلات الكهرباء وغرف التوزيع العمومية والفرعية وتحديد القطع بالحدايد بارقام القطع ،لكن لم يتم توصيل المياة الي القطع بوصلات فرعية وطبقة الاسفلت لتسهيل الوصول للقطع كلها ، فالمظاهرة يجب ان تكون بمطالب اولها سرعة انهاء المرافق كاملة وبالتالي سرعة تسليم الارض ، ونحن نرفض استلام الارض بدون خدمات كاملة خاصة المياة وشبكة الطرق الخارجية والداخلية لنتمكن من البناء بيسر ودون عذاب ومعاناة ، فنحن لانريد ان نواجه المعاناة والبهدلة التي تعرض لها ملاك اراضي مشروع ابني بيتك ، ويعني ايه البنك اجل استلام القسط التاني ؟ مش واضح المعني ارجو التوضيح والشرح لنفهم اكثر ونوحد مطلبنا في سرعة اتمام المرافق والبنية الاساسية للاراضي وتوسيع دائرة المشاركة لتصل علي الاقل الي 500 صوت ومشارك لتحقق التاثير المطلوب ، والله الموفق والمستعان علي راي المرحوم عمر سليمان

ابو سرحان 05-22-2013 09:56 PM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
سا استاذ ياسر الارض مخلصش فيها غير الصرف بس اللى خلص مفيش مياه خلصت ولا كهرباء كمان ومفيش اى حدايد فى الارض انا شوفت الكلام ده بعينى يوم السبت اللى فات لسه المرافق مخلصش فيها غير الصرف فقط المشكلة ان الجهاز بيدى الشغل لشركة مرافق ويدلها شوية فلوس يشتغلوا بيها ولما تخلص الفلوس بيبطلوا شغل طبعا الجهاز سارق اكتر من نصها فطبيعى كل حاجه لازم تتأخر انت بتتعامل مع جهاز فاسد

ام البنات 05-22-2013 10:29 PM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
هذا رقم تليفون اخى الاستاذ اشرف رمضان الرجاء التواصل معه 01112044410 لان جهاز المدينة لازم له وقفة ونحن معكم فليس من المعقول ان تظل الارض بدون استلام لمدة 6 سنين دول لو بيعملو مرافق دولة كانت خلصت

ايهاب مراد 05-23-2013 01:24 AM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
انا معاكو علشان الناس دي بتستهبل بجد و كل شويه بمعاد شكل و كلام غير الكلام يا ساده انا مش مستريح من الاول انا لحد دلوقتي ما مضيتش ال3 شيكات و في البنك قالولي انت كده ورقك تمام و التعامل دلوقتي مع الجهاز والله خايف يركنونا 6 سنين انا معاكو في المظاهره يا ريت الاخوه الافاضل ينسقو ما بينهم المعاد و يعلنوا علي المنتدي هيكون امتي

محمد عبد السلام 05-23-2013 05:10 AM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
أنا كمان معاكم
دة جهاز وسخ وغير قادر على أدارة مشروع ترفيق الأرض وتحديد معاد محدد للتسليم

ابراهيم سالم 05-23-2013 05:34 AM

رد: مظاهرة اصحاب أراضى القرعة الثانية بـ 6 اكتوبر بجهاز المدينة
 
مع احترامى لكل الاخوة

فكر قطع الطريق والمظاهرات على اى حاجة يجب اعادة النظر فيه. للاسف مصر اصبحت ................ ولا بلاش


الساعة الآن 12:23 AM

Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir

جميع الأراء والمواضيع المنشورة تعبر عن رأي صاحبها ، وليس بالضرورة أن تعبر عن رأي إدارة المنتدى

الموقع غير مسئول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه تجاه ما يقوم به من بيع أو شراء أو إتفاق

استضافة وتصميم : المصرية للأنظمة الرقمية والخدمات المتكاملة