عرض مشاركة واحدة

fagrmasr01
الصورة الرمزية fagrmasr01
الأب الروحي للمنتدى - لا تنسوا الدعاء له بالرحمه انتقلت روحه الى الرفيق الأعلى يوم 24/2/2013

رقم العضوية : 16
الإنتساب : Oct 2009
الدولة : فى عقل ووجدان محبوبتى
المشاركات : 4,631
بمعدل : 1.08 يوميا

fagrmasr01 غير متواجد حالياً عرض البوم صور fagrmasr01



  مشاركة رقم : 1  
المنتدى : قسم الشعر العام
افتراضي يااهل المغنى دماغنا وجعنا
قديم بتاريخ : 11-25-2009 الساعة : 12:20 PM

يا اهل المغنى دماغنا وجعنا دقيقه سكوت لله

داحنا شبعنا كلام ماله معنى يا ليل و يا عين و يا آه



طلعت موضه غصون و بلابل شابط فيها حزين

شاكي و باكي و قال مش عارف يشكي و يبكي لمين

و اللي جابت له الداء و الكافيه طرشه ماهش سامعاه

يا اهل المغنى دماغنا وجعنا دقيقه سكوت لله



ردي عليه يا طيور بينادي و ارمي له الجناحين

و انت كمان يا بابور الوادي ، قل له رايح على فين

قل ليه إياك يرتاح يا بابوره ، و يريحنا معاه

يا اهل المغنى دماغنا وجعنا دقيقه سكوت لله



كل جدع فرحان بشبابه يقول في عينيه دموع

يا للي جلبتي شقاه و عذابه ، حلي لنا الموضوع

طالع نازل يلقى عوازل واقفه بتستناه

يا اهل المغنى دماغنا وجعنا دقيقه سكوت لله



حافضين عشره اتناشر كلمه ، نقل من الجورنال

شوق و حنين و أمل و أماني و صد و تيه و دلال

و اللي اتعاد ينزاد يا اخوانا و ليل و نهار هواه

يا اهل المغنى دماغنا وجعنا دقيقه سكوت لله


توقيع fagrmasr01

أستغفر الله العظيم





رد مع اقتباس