[شريف عبد العزيز محمد]

انا الان مسافر واريد ان اعمل لاحد اعرفه توكيل لكي يقوم باستلام شقتى في مشروع اسكان الشباب وسداد ثمنها (مع العلم انه سيتم سداد كامل ثمن الشقة) ياريت اعرف صيغة التوكيل اللي يمكن التعامل بيه .... هل هو توكيل عام ولا خاص ؟؟؟
واريد ان اعرف هل العقد الذى سيوقع سيكون نهائى (لانى سأقوم بدفع كامل ثمن الشقة) ام لا ؟؟؟


الشخص اللى هاعمل له التوكيل احد المحامين كان اقترح عليه الصيغة الاتية وقاله ديه صيغة ناس كتير بتعملها

توكيل رسمى عام
( المدعو .. ... له حق الادارة واستلام الشقة رقم .. عمارة ... مرحلة .... والتعامل مع جهاز 6 اكتوبر وبنك الاسكان والتعمير وصندوق تمويل المساكن والهيئة العامة للتعاونيات للبناء والاسكان من استلام الوحدة المخصصة وسداد ثمنها والتمثيل امام مصلحة الشهرالعقارى وجميع المصالح الحكومية والمرافق (كمياه - الغاز الطبيعى - الكهرباء -التليفونات - الصرف الصحى ) والمصالح الغير حكومية
وكذلك فى سداد الثمن والتوقيع على عقود البيع الابتدائية والنهائية واستلامها وله الحق فى توكيل الغير فى كل او بعض ما ذكر ولا يلغى التوكيل الا بحضور الطرفين)



بس انا خايف من ان اللى هاعمله التوكيل ده يستغله ويبيع الشقة لنفسه او لغيره بدون علمى .. فكنت عايز اعرف ايه اللى يتحذف من صيغة التوكيل ده
( انا عايز اوكله فى انه يستلم الشقة وينوب عنى فى توقيع عقدها مع المحافظة وبنك الاسكان وفى الاجراءات الخاصة بتوصيل المياه والكهرباء وخلافه )



كمان ما اهمية جملة التمثيل امام الشهر العقارى والمصالح الحكومية وغير الحكومية .. هل يمكن حذفها وابقاء جملة التمثيل امام المرافق (كمياه - الغاز الطبيعى - الكهرباء -التليفونات - الصرف الصحى ) فقط ؟؟

وجملة ( التوقيع على عقود البيع الابتدائية والنهائية واستلامها وله الحق فى توكيل الغير فى كل او بعض ما ذكر ولا يلغى التوكيل الا بحضور الطرفين ) هل هى ضروية لتسجيل العقد اللى هيوقع مع بنك الاسكان ؟؟