[محمد كمال المحامي]

يتم حساب قيمة التامينات المستحقة على العامل وصاحب العمل كالتالي :


40% علي الأجر الأساسي منها 26 % تتحملها الشركة و 14% بيتحملها العامل


35 % علي الأجر المتغير منها 24% تتحملها الشركة و 11% بيتحملها العامل


40 % + 35 % مسئوله الشركة عن توريدههم لهيئة التأمينات الأجتماعية


فيصبح على كل طرف :


26 % + 24 ي% يتحملها صاحب العمل كأساسي ومتغير


14 % + 11 % يتحملها العامل كأساسي ومتغير

[محمود التهامي]

طيب لو لم تقم الشركة بتوريد هذه المبالغ حيث انها تخصمها من العامل فكيف يتم تحصيلها بعد ذلك
هل تكون دين على العامل اذا ترك الشركة ام هي دين على الشركة وليس للعامل دخل به

لاني تركت العمل في شركة واتضح لي بعد ذلك انها لا تورد التأمينات
وحتى الان لم يقومو باغلاق الملف التأميني الخاص بي

وانا الان في مؤسسة اخرى ويرغبون في التأمين عليا
فمش عارف اقفل الملف القديم ازاي عشان انقل للمؤسسة الجديدة
والمتأخرات دي كلها حوالي سنتين او تلاته
هضطر ادفعها وللا هينفع اقفل الملف والدين هيفضل على الشركة القديمة ؟؟؟

وشكرا جزيلا استاذ محمد

[محمد كمال المحامي]

يا استاذ محمود يبقى معاك خبير تامينات ومش عارف تعمل ايه

اولا : العامل غير مسئول اطلاقاً عن قيمة التأمينات

حتى لو لم يسدد حصته في المبلغ المؤمن عليه

ثانياً : عايز تخرج من التامينات يبقى الشركة الجديدة

تخاطب التامينات بموجب س1 تأمينات وبها طبعاً تاريخ

التأمين عليك وحضرتك تقدم شكوى في مكتب التامينات

الكائن به الشركة القديمة تشتكي الشركة بانها لم تقدم

لك س6 تامينات وتطلب انك تخرج اداري فمكتب التامينات

هيدرس الطلب ويطلع التفتيش على الشركة ويتم اخراجك

اما بموافقة الشركة أو بشكل اداري في حالة امتناع الشركة

عن توقيع س 6 و يا ريس انت ترفع السماعة وشوف

هنعمل معاك ايه انت بس تؤمر

[محمود التهامي]

ههههههههههههههههههههه
ربنا يخليك يا استاذ محمد
شايلينك للكبيرة

ليك في أمن الدولة
ههههههههههههههههه

[محمد كمال المحامي]

كله الا امن الدول

احنا عايزين ناكل عيش

[أم كلثوم]

مشكور على ما قدمته يداك من خير استاذنا الفاضل

[ضياء شديد]

تمام، شكراً لك جهدك .