[fagrmasr01]

انا رحت الإنتخابات
ومعايا كمان الوفات
ضربونا هناك بالجزمة
رجالة مع ستات

انا عارف حقى كويس
دى تعليمات سى الريس
انى مواطن وأشارك
وبلاش اسكت وأتَيّس

الظابط قال ايه جابك؟!
وجايبلى معاك أحبابك!
قلتله انا هادلى بصوتى
قاللى جاتك نيلة جنابك

وضربنى بكعب الجزمة
يامواطن من غير لازمة
إمشى إتنيل روح بيتك
لحسن هاعمل لك ازمة

صممت ادخل وأشوف
لا لقيت اسم ولا كشوف
قالوهالى صريحة وعلنى
حا نزور ع المكشوف

ورجعت حزين ع البيت
ألوفات زى الكتاكيت
قالهالى صريحة الباشا
ولا كأنك هنا .. جيت

أنا طبعا الرمز اللى فى النص

[محمد كمال المحامي]

جميلة جميلة جميلة

روعة فعلا يا استاذ جمال

كل كلمة قولتها على حق

و طريقتك في العرض بسيطة وسهلة

ونقلت احساس ملايين

ربنا يهدى علينا حكامنا

و لك خالص احترامي وتقديري

[fagrmasr01]

الله يخليك ياريس ويكرمك
الاجمل من كلامى هو مرورك وتأييدك وكرمك فى التشجيع

ومعاك بادعى ان ربنا يهديهم ويرحمونا
او يكرمنا بغيرهم .. او يكرمهم ويغيرونا

يارب ولى علينا من يصلح

[رورو روحي]

الحمد لله اني مروحتش
وانا بصراحة مروحتش لاني كنت عارفه ان هو ده اللي هيحصل

بجد جميلة جدا يا استاذ جمال

[fagrmasr01]

بصراحة اللى ماراحش ارتاح فعلا من البهدلة خصوصا انها كمان كانت على الفاضى

اشكرك جزيل الشكر
ويسلم لى مرورك وتشجيعك لكلماتى يا رورو

[سماره]

صممت ادخل وأشوف
لا لقيت اسم ولا كشوف
قالوهالى صريحة وعلنى
حا نزور ع المكشوف

ههههههههههههههههههههههههههههههههه


انا بقى روحت ولقيت الاسماء والكشوفات
بس كلها مختومه وممضيه
قولت يا دي النيله عليه
اعمل ايه قلولي
اقول الظابط بره
ولا حيجروني
قولت يلا وانا مالي
هى جت عليه


هههههههههههههههههههههه
تسلم اديك يا بابا جمال
كلمات عبرت وعن الواقع االمؤلم

[مصطفى مامون]

صورت بحال بسيط وكلمات لها موسيقى ومعنى وروح حالنا فعلا يااستاذ مبقناش عارفين نبتسم من فنياتك فى الكتابه العاليه والا نحزن ونكتئب على اللى حصلك وحصلنا لكن فى النهايه دا حالنا ياعمنا ولا نملك الا اننا نتكلم فى فنيات القصيده اما حالنا فانسيبه لربنا واما فننا فانت ياجمال فعلا عمنا وسبقتنا كلنا فى الفن الزجلى سلام يا فجرنا

[fagrmasr01]

اقتباس : المشاركة الأصلية كتبت بواسطة سماره [ مشاهدة المشاركة ]

صممت ادخل وأشوف لا لقيت اسم ولا كشوف قالوهالى صريحة وعلنى حا نزور ع المكشوف ههههههههههههههههههههههههههههههههه انا بقى روحت ولقيت الاسماء والكشوفات بس كلها مختومه وممضيه قولت يا دي النيله عليه اعمل ايه قلولي اقول الظابط بره ولا حيجروني قولت يلا وانا مالي هى جت عليه هههههههههههههههههههههه تسلم اديك يا بابا جمال كلمات عبرت وعن الواقع االمؤلم

مع الاسف فعلا هو ده حالك ياحبيبتى يامصر
ربنا يهديلك الأحوال ويرحموكى سكان القصر

شكرا يا سماره على المرور الكريم والتشجيع الطيب

[fagrmasr01]

اقتباس : المشاركة الأصلية كتبت بواسطة مصطفى مامون [ مشاهدة المشاركة ]

صورت بحال بسيط وكلمات لها موسيقى ومعنى وروح حالنا فعلا يااستاذ مبقناش عارفين نبتسم من فنياتك فى الكتابه العاليه والا نحزن ونكتئب على اللى حصلك وحصلنا لكن فى النهايه دا حالنا ياعمنا ولا نملك الا اننا نتكلم فى فنيات القصيده اما حالنا فنسيبه لربنا واما فنيا فانت ياجمال فعلا عمنا وسبقتنا كلنا فى الفن الزجلى سلام يا فجرنا

شكرا يا درش على التشجيع
بكلامك اللى كله بديع
يا رائع فى كل المواضيع

يسلم لى مرورك ياللى بتنور بوجودك كل كلماتى
ويسلملى تشجيعك الطيب ياغالى على جميع صفحاتى

[ام العيال]

ياااااه ياجمال
انا بقى مبروحش خالص


لانى ببساطه معنديش بطاقه انتخابيه
واعملها ليه اصلا

بس على فكره
عندنا اتغيروا اللى كانوا مستوولييين عليها ليهم كام سنه
الصراحه الناس كرهتهم لانهم مابيعملوش اى حاجه

اللهم اصلح حال الجميع يارب
مبدع كالعاده ياخويا